二百年秘方麵店：十三姨

旺角呢間新開唔耐嘅小店主打湯麵同雞油飯，湯頭秘方有足足二百年歷史，香料來自印度，廚師每日堅持人手盅香料㷛湯，飲咗一啖之後簡直停吾到口，另外都要試埋佢哋個手撕雞拌雞油飯，飯面上淋上雞湯提煉出嚟既雞油精華丶特制醬油，香噴噴！店員服務態度都好好，仲會細心講解食法，絕對係誠意之選！

老闆娘鵝肝煎蛋飯 $108

啊～鵝肝+煎蛋我真係零抵抗力，想不到一百多元的價格能換到三塊大大的鵝肝，然後中間隻太陽蛋煎得超靚！仲要有小小脆邊！正完全圖文符合啊！老闆娘非常細心的指導我地要把鵝肝，太陽蛋，飯上面的炸蒜蔥花和秘制辣醬攪拌。拌勻後，真的能把鵝肝的油香和飯完美的配合著。

十三么 $66

手撕雞，叉燒，溏心蛋，粉絲并米粉。好健康既首選，“湯麵是主角，湯底是靈魂”餐紙上這樣寫著。湯底用左原只雞慢火熬製，食落真系好清淡，食開重口味既我真系唔太習慣，但清清地一餐都好既，健康D嘛～

手撕雞伴雞油飯 $28小/$48大

手撕雞拌雞油飯淋上由雞湯提煉出嚟既雞油精華丶特制醬油丶珍珠米。雞飯除咗雞肉以外亦都有炸蒜同蔥花連同甜豉油，一齊食幾夾手撕雞經過火槍炙燒帶有小許燒烤嘅焦味，配上雞油飯一齊有令到味道更加香口整體係好味嘅。

—————————————————————————————————————————————————

* 店名：十三姨

* 時間：星期一至日: 12:00-17:00; 18:00-23:30

* 電話：28856728

* 地址：旺角通菜街華發大廈地下C號舖

* 地鐵：港鐵油麻地站A2出口，步行約4分鐘